تحلية ساهلة ماهلة

باسم الله توكلنا على الله 

نبداو بالمقادير

المرحلة الاولى

باكية و نص كيكس (بسكوي )

نسكافي مذوبة فماء غليان + سكر للتحلية

كنفزكو كيكس فالنسكافي حتى يبرد و نستفوه فاللاطة او مول

 عملت 2 طبقات

المرحلة الثانية 

نصف لتر حليب 

3 مغارف كبار كريم باتسيير

4 مغارف كبار سكر

  + 2 دانيت 

 ملي كتوجد الكريم باتسيير كنطفيو العافية و نضيفو دانيت و نحركو مزيان

ثم نكبوها على الطبقة الاولى

و كنعودو نفس العملية 2 طبقات مفزكين فالنسكافي 

ثم طبقة من الكريم باتسيير

ندخلوها شوية للثلاجة ثم نزينوها بكولاكاو

كنقطعوها مربعات ونزينوها باش مبغينا

هادي بحليب نسلي

 و هادي بالشكلاط فيرميسيل

و هادي باللوز ايفيلي

وهادي صورة جماعية

و بالصحة و الراحة

تشيز كيك بالشوكولا

باسم الله توكلنا على الله

نبداو بالمقادير 

الطبقة الاولى

بكية كيكة بيسكوي اللي بغينا

2 مغارف كبار كولاكاو

تقريبا 125 غرام زبدة او اكثر حسب نوع البسكوي

كنطحنو كيكس ونضيفو الزبدة طراف او مذوبة و كولاكاو ونخلطو مزيان حتى يتجمع مزيان

كنعملوه فمول كيتحل من الجناب ونسرحوه مزيان بيدينا ثم ندخلوه للمجمد 

سمحولي ضاعت لي الصورة ديال هاد المرحلة

مقادير الطبقة الثانية

جبن فيلادلفيا انا عملت 2 انواع 1 عادي 200 غرام واخر شوكولا 150 غرام

كريم شانتي حتى هي 200 غرام

نصف علبة حليب مركز محلى 

كنخلطوهم فمولينكس ونكبوهم فوق البيسكوي ديالنا ونرجعوه للمجمد على منوجدو الطبقة الثالثة

مقادير الطبقة الثالثة

1 فلان صغير

ربع لتر حليب 

3 مغارف كبار سكر 

كنطيبوه عادي ونخليوه حتى يقصح شوية عاد نكبوه على الطبقة الثانية

وندخلوه للثلاجة على الاقل 6 ساعات انا كنفضل ليلة كاملة 

و ها هو واجد زينتو بالشوكولا فيرميسيل

و بالصحة و الراحة

طورطة بالشكلاط

على بركة الله نبداو 

مقادير الجنواز

4 بيضات

120 غرام سكر

120 غرام دقيق

1 ملعقة كبيرة خميرة الحلوى

للتزيين و السقي

سبرايت

2 مغارف كبار كريم باتسيير  + 2 مغارف كبار سكر

 +ربع لتر حليب

2 دانيت

كريم شانتي + 2 مغارف كبار سكر

شكلاط محكوك اي نوع بغيتي

الطريقة

كنطربو البيض مع السكر مزيان على الاقل 10 دقائق 

ثم كنضيفو الدقيق + الخميرة وكنحركو بشوية من تحت لفوق

وكنكبوه فالمول مدهون بالزبدة ومرشوش بالطحين والى الفرن المسخن مسبقا

راهي دغيا كتوجد شي 10 ولا 15 دقيقة

كنقسموها على 2 ونسقيوها بسبرايت

ثم كنزينوها بالكريم باتسيير مخلطة مع دانيت

ندخلوها شوية للثلاجة على منوجدو الكريم فريش
ثم كنعملو الطبقة الثانية من الجنواز فوق الاولى ونسقيوها بسبرايت
ونزينوها بالكريم فريش والشكلاط المحكوك

و بالصحة و الراحة

كيكة بالفواكه

مقادير الكيكة

2 بيضات

7 معالق كبار حليب

7 معالق كبار زيت

9 معالق كبار سكر

12 معالق كبار طحين

1 لفاني

1 خميرة د الحلوى

للتزيين

كريم باتسيير

نصف لتر عصير برتقال

2 فلان ديال درهم

سكر حسب الذوق

 

الطريقة

فمولينكس كنخدمو البيض و السكر و باقي المقادير مزيان و كنضيفو الطحين و الخميرة

كندهنو المول بالزبدة و نرشوه بشوية ديال الطحين ونكبو فيه الخليط 

من الاحسن المول اللي كيتحل من الجناب

ملي توجد الكيكة نخليوها تبرد شوية 

يمكن لكم تسقيوها بالسيرو كتجي فازكة و هشيشة انا معملتشي هاد الخطوة 

كنوجدو الكريم باتسيير 

استعملت الجاهزة مكتوب فيها طريقة التحضير

ملي قربت توجد زدت عليها 2 مغارف كبار ديال كولاكاو (اختياري)

انا كنعملو على حسب ولادي مكيبغوش الكريم باتسيير 

كنكبو لاكريم فوق الكيكة

وكنزوقوها بالفواكه اللي بغينا

انا استعملت الفريز

كنوجدو الفلان بعصير البرتقال نفس طريقة الفلان بالحليب

ملي يوجد نكبوه فوق الكيكة 

نخليوها تبرد شوية و ندخلوها للثلاجة

وهاهي واجدة

بالصحة و الراحة