فلان بالكريم فريش

هاد الفلان ساهل و لذيذ و الكريم فريش كتعطيه نكهة مختلفة
نبداو على بركة الله

كنحتاجو 

لتر حليب

نصف لتر كريم فريش

4 فلان ديال درهم

2 مغارف كبار ديال السكر واللي مكيبغيشي الحلاوة يعمل وحدة 

حيث الكريم فريش حلوة

اولا كنوجدو الكراميل الكل طبعا كيعرف الطريقة ديالو

هنا عملت 3 معالق كبار ديال السكر فوق نار مهيلة

ملي كيبدا يتبدل لونو كنضيفو نص كاس عنبة ماء بارد وكنبقاو نحركو حتى يتقال

ملي كيوجد كنكبوه فالمول

كنعملو الحليب و الكريم فريش فكاسرونة فوق النار

ونخليو شوية من الحليب باش ندوبو فيه الفلان و السكر

كنضيفوه للكسرونة ونخليوه يتغلى عادي

ملي كيطيب كنكبوه فالمول نخليوه يبرد شوية

وندخلوه للثلاجة

ها هو ملي وجد

انا زوقتو بالتفاح وانت لك الاختيار

و بالصحة و الراحة